HARI SATU, 24 JANUARI 2022
MIRI: Menteri Perengka Pengangkut Sarawak ke mega ADUN Senadin Dato Sri Lee Kim Shin udah nemuai ngagai Kuil Hai Long Si kena Hari Enam tu tadi.
Penemuai iya maya nya dikena meda pengawa ngemanahka kuil nya ke benung digaga diatu.
Projek nya digaga enggau ungkus RM500,000 datai ari Unit Pekara Pengarap Bukai (UNIFOR).
Pia mega, projek tu udah berengkah digaga taun siti tadi lalu dipelabaka tembu enda lama agi.
Bela bisi datai ADUN Pujut ke mega Datuk Bandaraya Miri Adam Yii Siew Siang enggau Direktor UNIFOR Richard Lon. -EDISI UKAS