Kepala Menteri Minta Orang Kereja Perintah Besaup Ngemujur PCDS 2030

HARI TIGA, 26 JANUARI 2022

KUCHING: Kepala Menteri Sarawak, Datuk Patinggi Tan Sri Dr Abang Abdul Rahman Zohari Tun Datuk Abang Openg minta semua orang kereja perintah nyaup ngemujurka Pelin Pemansang Udah COVID-19 2030 (PCDS 2030).

Pelin tu  nyadi pelasar pengawa kabinet nengeri mai Sarawak nyadi nengeri mansang sereta bepenatai pemisi besai manggai taun 2030

“Servis pengawa perintah Sarawak udah datai ba tikas kompetensi sereta landik nempa sarawak dalam kandang sembilan taun ke datai ngelawa tuju PCDS 2030.

“Perintah Sarawak pechaya nengah atur PCDS 2030 nengeri tu ulih ngerembaika ekonomi ari purata enam peratus nyentuk lapan peratus setaun,” ku iya bejaku meya bejadika Hari Kereja Perintah Sarawak (HPA) Sarawak 2022 ba Palan Konvensyen Borneo Kuching (BCCK) kena Hari Dua.

Ba PCDS 2030, sektor ti dikemeranka nyengkaum betanam betupi komersial bepelasarka teknologi, kilang, servis rama, pengawa bekaul enggau kampung, pengawa ngali, dagang temuai, kuasa ulih dikena baru lalu disukung pemansang penatai mensia, transformasyen digital, pemansang infrastruktur, utiliti enggau inovasyen.

Bela bisi datai ba program nya, Sapit Kepala Menteri, Datuk Amar Douglas Uggah Embas enggau Dato Sri Prof Dr. Sim Kui Hian, Speaker DUN Sarawak, Tan Sri Datuk Amar Mohamad Asfia Awang Nassar, Sekretari Perintah Sarawak, Datuk Amar Jaul Samion, Sekretari Perintah Besai Sarawak, Dato’ Amir Omar, Chairman Komiti Servis Perintah Nengeri Sarawak enggau Datu Abdul Ghafur Shariff. -EDISI UKAS

add comment