HARI TIGA, 16 MARCH 2022

KUCHING: Menteri Besai, Dato’ Sri Ismail Sabri Yaakob sehari tu madahka perintah besetujuka pengawa mansutka RM10,000 ari Gerempung Wang Turu Pengereja Pengawa (KWSP).

Iya madah, pemutus nya digaga bepelasarka pansik enggau perati maya renggat mulaika pemanah udah pandemik COVID-19.

Ku iya, bisi ruang bilik agi betapi enggau penanggul baikka ba pekara ekonomi, lenyau pun penatai lalu bisi mega baru deka ngepunka baru pengidup.

“Perintah mending, mansik sereta beratika peminta semua ke deka mansutka simpan KWSP.

“Penerang silik bekaul enggau pekara tu deka digaga Opis Menteri Wang enggau KWSP empu,” pia ku iya madah nengah penerang media, kena Hari Tiga.

Taja pia, Menteri Besai minta mensia mayuh enda sepeneka ngambi KWSP sida enti nadai batang kebuah besai.

“Ketegal ngira pengidup dudi hari, kitai ngarapka mensia mayuh ngaga pemutus enggau silik dulu sebedau mansutka KWSP,” ku iya meri jaku tangkan.

Nambahka jaku iya, Menteri Besai madah, perintah sebedau tu ngemendarka rayat mansutka KWSP sida nengah tiga skim iya nya i-Lestari, i-Sinar enggau i-Citra ke beungkus RM101 bilion enggi 7.34 iku juta iku rayat kenyau pandemik COVID-19 datai nyadi ba menua tu dua taun ke udah. -EDISI UKAS

add comment