HARI TIGA, 16 MARCH 2022
KUALA LUMPUR: Nembiak ke beumur 5 ngagai 11 taun ke empai betuchuk vaksin COVID-19 agi dikemendarka datai besekula.
Menteri Pengerai, Khairy Jamaluddin Abu Bakar madah, kebuah pia laban pengawa meri vaksin diberi enggau nadai bepejal ngagai sida.
“Ba pekara tu, apai indai patut nulis surat pemendar anak sida diberi vaksin,” pia ku iya madah nengah penerang betulis dikena nimbal tanya Kaban Parlimen Batang Lupar, Dato Sri Rohani Abdul Karim ba aum Dewan Rayat, kena Hari Satu.
Taja pia ku iya, nembiak nya mesti nitihka atur operasyen standard (SOP) baka ke udah diletak Opis Menteri Pelajar Malaysia maya sida datai besekula.
Dulu ari nya, Dato Sri Rohani nanya ke penemu perintah bekaul hak belajar nembiak ke enda dikemendarka apai indai sida betuchuk vaksin. -EDISI UKAS