Raban Pengaji Dipinta Ngemata Pengelikun, Pengerai Orang Gawa

HARI TIGA, 16 MARCH 2022

KUCHING: Bepun ari pemutus Malaysia belabuh deka bejalaika renggat sebedau endemik COVID-19 berengkah 1 April tu, raban pengaji enggau sida ke bekaul diansak ngambi ngemataka pengelikun enggau pengerai orang gawa.

Chairman Institut Pengelikun enggau Pengerai Orang Gawa Menua (NIOSH) Malaysia, Datuk Wilson Ugak Kumbong madah, pekara tu beguna dikena nyeliahka penyakit nya ngelekai lebih agi ba endur gawa.

“Ba pekara tu, Rang Undang-undang (RUU) Pengelikun enggau Pengerai Gawa Ubah 2020 ti udah dikemendarka Parlimen taun siti tadi deka nentuka ukum ke berat deka dipejalaika ngagai raban pengaji ti enda nitihka atur,” pia ku iya madah maya Pengerami Mantar Bejadi Gempuru enggau Program Pemandang Pengelikun enggau Pengerai Orang Gawa Renggat Ke-23 (COSH 2022) di Palan Konvensyen Kuala Lumpur, kena Hari Dua.

Datuk Wilson mega madah, ukum ke berat patut dipeda nyadi siti ari chara nyeliahka penyalah tang ukai semina digaga sepeneka ati aja.

Bekaul enggau program nya, iya madah, rambai jaku ‘Berdaya Tahan Menghadapi Cabaran Baharu’ ba COSH 2022 ke deka diatur kena 29 ngagai 30 Ogos taun tu engkeman dikena mantaika Malaysia baru mulaika pemanah ekonomi.

“Tu bela mandangka isu bekaul pengelikun enggau pengerai gawa (OSH) nyadi siti pekara ti dinamik.

“Nya alai, raban industri enggau menua tu patut nyikap diri napi penanggul ke tau nyadi sebarang maya,” ku iya madah baru.

Kelimpah ari nya, Kaban Parlimen Ulu Rajang nya mega ngelaluka raban industri enggau mensia mayuh bela ngambi bagi ba program ke deka diatur nya.-EDISI UKAS

add comment

online casino malaysia online casino malaysia malaysia online casino malaysia online casino trusted online casino malaysia trusted online casino malaysia casino online malaysia casino online malaysia