HARI LIMA, 18 MARCH 2022
BINTULU: Menua Eropah bisi ati deka negutka agi kaul enggau Malaysia lebih agi Sarawak sereta ngepun pengawa beranakka puku ba dagang Asia.
Pekara tu tebantai maya Tuai Kedutaan Kesatuan Eropah ke Malaysia, Michalis Rokas ngatur penemuai gawa ngagai Bintulu begulai enggau Trade & Economi- Attache, Pekka Otta Penttila, kena Hari Tiga tu tadi.
Maya nya iya bisi ngabas palan industri baka MLNG, Bintulu Port Sdn Bhd enggau Kilang SOPB di Kidurong.
Iya mega bisi ngulu aum begulai enggau Bintulu Port Sdn Bhd di Kelab Kidurong Bintulu.
Ba aum nya, sida berandauka awak beranakka puku ke bisi di Bintulu laban menua Eropah bisi ati deka ngepunka pengawa meranakka puku lebih agi ba gas.
Bela datai maya tu iya nya Raban Tuai Pegawai Eksekutif, Bintulu Port Holding Berhad, Dato Mohammad Medan Abdullah, Manijer Besai Operasyen MLNG Fakhrul Abdullah, Tuai Pegawai Wang SOP Tho Kheng Chiang enggau Pegawai Tadbir ke nyadi Pegawai Perhubungan ngagai Duta Kesatuan Eropah Harun Hatta.-EDISI UKAS