HARI SATU, 28 MARCH 2022
KUCHING: Raja Permaisuri Agong Tunku Azizah Aminah Maimunah Iskandariah mujur datai di Sarawak ba program nemuai bejalaika pengawa dua hari ngagai nengeri tu.
Penatai Raja Permaisuri Agong ba Padang Bilun Entarabansa Kuching disambut bini Premier Sarawak, Puan Sri Datuk Amar Juma’ani Tun Tuanku Bujang, Menteri Pemansang Raban Indu, Nembiak Mit enggau Pengelantang Mensia Mayuh, Dato Sri Fatimah Abdullah enggau Sapit Menteri Ba Opis Premier Sarawak (Undang-undang, Sempekat Malaysia 1963 enggau Kaul Nengeri Perintah Besai), Datuk Sharifah Hasidah Sayeed Aman Ghazali.
Raja Permaisuri Agong dipadahka deka nemuai ngagai Galeri Songket enggau Keringkam ba Jalai Masjid lalu dipebasa bejadika gelari nya pukul 3 lemai.
Nangkan ke nya, Raja Permaisuri Agong deka ngulu pengerami makai lemai ba begunan Kunsil Nengeri (DUN) Sarawak.
Hari siti, Raja Permaisuri Agong deka nemuai ngagai Kompleks Rumah Jil Puncak Borneo lalu ngalih ke lemai ngabas Borneo Cultures Museum.
Raja Permaisuri Agong dipadahka deka mulaika diri ke Kuantan kena Hari Tiga. -EDISI UKAS