HARI DUA, 8 NOVEMBER 2022

KANOWIT: Chalun Gabungan Parti Sarawak (GPS) ba Parlimen Kanowit, Datuk Ago Dagang ngarapka rayat dia meri iya lima taun agi nyadi Kaban Parlimen menua nya.

Ku iya, tu dikena nentuka pemujur bejadika langgur pemansang diungkupka ngagai pengelantang rayat Kanowit ti agi begunaka pemansang baikka ba pekara ekonomi tauka tikas pengidup.

Nya alai iya minta rayat dia ke tau ngundi anang enda nurun ngundi kenaka 19 November tu.

Iya bejaku munyi nya ba Program Randau Begulai Enggau Rayat di Nanga Ngemah enggau Majau ba Bilik Operasyen Chalun GPS Kanowit, Hari Satu tu tadi.

Kelimpah ari nya, iya mega madahka rayat Kanowit patut ngundi chalun GPS ngambika ulih ngenataika jaku rayat dia ba renggat nasional.-EDISI UKAS

add comment