St John Men’s Fellowship Sibu Nerima MRP, Ngemujur Program Nyaga Pengelantang
SIBU: Agih belanja Projek Mit Pemansang Menua Pesisir (MRP) disua ngagai St John Men’s Fellowship Sibu kelai sukung ngatur program ngintu pengelantang enggau aktiviti komuniti ditu.
Pengawa nyuaka chek nya dipenyadi Pegawai Palan Servis Parlimen Selangau, Munan John Andrew ti ngari ke Kaban Parlimen Selangau, Edwin Banta ba sebengkah pengawa di St John Men’s Fellowship Sibu kena Hari Enam.
Iya mega madah, agih belanja nya mandangka komitmen YB Edwin Banta nyukung pangku pengawa institusyen jalai pengarap ti bebendar nyaga pengelantang komuniti nengah mayuh program meri pemaik.
Ku iya, pengawa raban gerija narak reti beserakup, kasih sayau, semangat volunteer sereta siru ngagai raban ti tusah chukup dikenang.
Iya ngarap agih belanja nya ulih nyaup ngemujur aktiviti ti dilanggur seraya meri empas positif ngagai komuniti ba Sibu enggau ngelingi endur nya. - EDISI UKAS
