LUNDU: Pengerami Aidilfitri majak richah nengah pejalai Ngabang Raya ari Menteri Pemansang Indu, Ruang Bilik enggau Komuniti ti mega Kaban Parlimen Santubong, Dato Sri Nancy Shukri ngagai rumah sekeda tuai komuniti di Kampung Sekambal Melayu enggau Kampung Sileng Melayu kena Hari Lima.

Pejalai ngabang nya diatur pengudah tembu pejalai ngabas seraya gawa iya ngagai Indu Opis Pelilih (IPD) Lundu muak ke pagi sebedau nampung agenda ngundang komuniti menua enggau chukup richah serimbai Aidilfitri.

Ba pejalai nya, Nancy ngabang ngagai rumah Tuai Indu Parti Pesaka Bumiputera Bersatu (PBB) Tanjong Datu Fatimah Abdullah, sereta rumah Sapit Tuai PBB Pampang Tanjong Datu Abdul Razak Abdul Wahab.

Pengawa ngabang nya ukai semina nyadi pelasar ngedut kaul tang mega mandangka pengeran iya ngaul rayat ba renggat baruh.

Kelimpah betanyaka berita, iya mega berandau enggau tuai rumah enggau sida sebilik lalu negut kaul entara tuai enggau komuniti menua ba pelilih tu.

Sama datai, Sekretari Politik Menteri, Mohammed Kamaludin Mohd Efendie, Tuai Pegawai Eksekutif Yayasan Pengintu Pengelantang Menua, Nordina Haron sereta Sapit Direktor Besai Opis Pengintu Pengelantang Komuniti Sarawak, Mohd Ali Taib. - EDISI UKAS