DARO: Kaban Kunsil Nengeri (ADUN) Daro, Dr Safiee Ahmad, ngabang ke rumah bala bakih sereta komuniti ngelingi Tanah Besar Daro serimbai Taun Baru China 2026, kena Hari Dua.

Program diatur Palan Servis DUN Daro nya diatur ari pukul 10 pagi nyentuk 1.30 ngalih hari lalu digulu urung 50 peranak pupu bansa enggau richah.

Pejalai ngabang nya diambat komuniti lokal, seraya mandangka pengelantang rayat mayuh dia.

Ku Safiee, pejalai ngabang serimbai pengerami nya ukai semina ngenatai jaku, tang mega nyadi pelasar beguna ngerapit kaul entara tuai enggau rayat nadai ngira pengarap enggau raban bansa.

“Pengerami baka tu meri ruang ngagai kitai negap penyerakup enggau semangat begulai entara komuniti pupu bansa nipak juluk Sarawak Maju Lantang,” ku iya.

Iya mega ngena peluang nya meri“Gong Xi Fa Cai” enggau “Xin Nian Kuai Le” ngagai komuniti Tionghua ti ngerami Taun Baru China taun tu lalu besampika pengerami nya mai pengelantang enggau pengerai.

Program ngabang nya mandangka komitmen tuai lokal meransang pengelantang enggau negap penyerakup komuniti ke pengelantang rayat ba Daro. - EDISI UKAS