MIRI: Tim tanda naga enggau singa ari Miri ngambi bagi ngagai pekit nasional mandang insiatif Sarawak nyagu seni budaya asal ngambi meruan relevan enggau besemekih.

Menteri Pengangkut Sarawak, Dato Sri Lee Kim Shin madah, pengawa ngambi bagi ba pekit nya ulih nambah standard pemerindang ngagai tikas tinggi agi.

Iya madah munyi nya lebuh bejadi pengawa ‘eye dotting’ enggau pengawa nyua tambai Sarawak ngagai Gerempung Tanda Naga enggau Singa Wai Sheng Miri di Some Shak Lung Kung Temple, kena Hari Enam.

Ku iya, raban nya deka tama pekit nasional ngaul 20 tim enggau tujuh pemadu manah dipilih ngagai renggat kepenudi ngari ke Malaysia ngagai panggau antarabansa.

Ku iya agi, kategori pemerindang ba atas tiang tinggi (high pole) nyadi entara pemar besai kelimpah tu keempat kali tim nya ngambi bagi.

Tim ari Miri nya aja pengari Sarawak ti deka bepekit ba Johor Mei tu enggau dikearap ulih ngemegah nama nengeri ngagai tikas tinggi agi. - EDISI UKAS