TYT Sarawak Betemu Enggau Premier Sarawak, Sebedau MMKN
KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar nerima penemuai basa ari Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg ba rumah iya, ditu, Hari Empat.
Penemuai basa nya prosedur rasmi ke digaga berenggat sebedau Aum Kaunsil Perintah Nengeri diatur seriris enggau pengawa atur perintah sereta nitih konstitusyen Sarawak.
Maya nya, Premier Sarawak udah mandangka penerang bekaul agenda besai ti deka dipejurai ba aum MMKN.
Kededua pemesai nya bela besilih penemu bekaul pemujur pejalai polisi sereta inisiatif perintah nengeri maya tu, nyengkaum pekara strategik bekaul pemansang sereta pengelantang rayat Sarawak.-EDISI UKAS
