Yang di-Pertua Negeri Sarawak & Bini Nerima Penemuai Basa Yayasan Penyerakup Sarawak
KUCHING: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi nerima penemuai basa Yayasan Penyerakup Sarawak di Astana Negeri Sarawak, Hari Empat.
Penemuai basa nya disempulang Sapit Premier Sarawak ke mega Kaban Komiti Megai Tanggungpengawa, Datuk Amar Awang Tengah Ali Hasan, raban Sapit Chairman Datuk Patinggi Tan Sri (Dr) Alfred Jabu Numpang enggau Datuk Patinggi Tan Sri Dr George Chan Hong Nam, Kaban Komiti Megai Tanggungpengawa Dato Sri Fong Joo Chung sereta pemesai ke bukai.
Penemuai basa nya dikena berandauka kuing enggau tuju sida nyengkaum pengawa ngetanka pesaka lama pupu raban bansa enggau etnik di Sarawak.
Maya nya, Tun Pehin Sri Dr Wan Junaidi bela bekunsika penemu iya dikena Yayasan Penyerakup Sarawak semampai relevan nyadi pelasar nyungkak pemanah penyerakup enggau pengelantang rayat.
Penemuai basa mega ngelai penegap kaul institusyen enggau tuai nengeri ke besaup nyukung agenda pemansang ti inklusif ungkup rayat Sarawak. -EDISI UKAS
