KUCHING: Pemutus main bol Unit Komunikasi Awam Sarawak (UKAS) enggau Dewan Bahasa dan Pustaka (DBP) ukai semina main tang nyadi pelasar ngenegap kaul strategik enggau ulah bekerejasama dua agensi nya serimbai Penumbuh Taun Ke-70 DBP di Sarawak.
Main ke diatur ba Stadium Taha Ariffin, Petra Jaya kena Hari Dua nya bela dirichah Tuai Direktor DBP, Datuk Dr Hazami Jahari, Direktor UKAS, Awang Putrayusrie Awang Redzuan enggau Direktor DBP Pampang Sarawak, Dr Azizul Ismail.
Awak nya bela dikena ngenegapka kaul enggau pangan diri ti nyadi agensi ngenatai penerang sereta nempa komuniti bepenemu.
UKAS United dulu agi masukka bol nengah Muhammad Ridzwan Jemat sebedau pemain DBP Aliff Rafiqqi masukka gol nangkan nya.
DBP udah nya dulu agi ari UKAS United nengah gol kedua ari Nur Iqbal Abu Bakar tang Muhammad Ridzwan sekali agi masukka gol alai pemutus nyadi 2-2.
Gol ketiga DBP dipasukka Abdullah Azan sebedau pemain UKAS United, Andria Kenyalang Ali mujur meri pemutus main 3-3.
DBP naka alah nyerang pintu gol UKAS United ti ngujungka Dr Azizul Ismail mujur masukka gol enggau pemutus 4-3.
Taja pia, Direktor UKAS enda muai awak ngemujurka penalti ba pengujung main ti nentuka main nya tembu enggau pemutus 4-4.-EDISI UKAS
