KUCHING: Operasyen Menih Remang Siri 4/2026 Sarawak ba hari kedua kemari napatka menua tekat ai besai nengeri, lebih agi Tekat Ai Bakun, Murum enggau Batan Ai dikena mantu nambahka ai dikandang dia berindik ari fenomena El Nino.

Pejalai operayen nya ngira perambu nitih zon ke ditetapka Opis Meteorologi Malaysia (METMalaysia) dikena nentuka tikas ai ba tekat ai enda kelalu langkang.

Sapit Sekretari Perintah Sarawak (Administrasyen), Datu Felicia Tan Ya Hua, datai mendingka penerang perambu operasyen nya ba pengkalan Soldadu Langit Diraja Malaysia (TUDM).

Sama datai Penulung Direktor Agensi Penyangga Penusah Menua (NADMA), Muhamad Haikal Shaharuddin sereta Sapit Direktor METMalaysia Sarawak, Sinirovina Urban Sinyaw.

Sebedau terebai, pengawa ngelumai garam dilumai ngena empat tangki ai bekapasiti 1,500 liter siti sebedau utai nya ditepu ke dalam bilun TUDM dikena menih remang.

Operasyen ke diatur ari 8 ngagai 10 Oktober nya ngaul sekeda agensi dikena mentu nentuka bekal ai ba tekat ai besai Sarawak semampai chukup.-EDISI UKAS

Kredit gambar: Sekretariat SDMC