MUKAH: Projek ngelasi parit ba Jalai Muhibah, Kampung Kuala Lama ti dipejalai nengah Program Transformasyen Menua Pesisir (RTP) 2025 ungkup Sitak Kunsil Nengeri (DUN) Tellian udah diserah ngagai raban kontraktor kena Hari Dua.

Pengawa nya diatur di Kampung Kuala Lama mega digulu pengari agensi bejalaika projek, Opis Parit enggau Entali Ai (DID) Mukah.

Nya mega kelai projek nya belabuh dipejalai ti disadang meri pemaik besai ngagai peranak dia, kelebih agi mutar penanggul sistem parit ba menua nya.

Projek ngelasi parit nya entara inisiatif Perintah Sarawak nengah RTP dikena negap pemansang infrastruktur pemun menua pesisir sereta ngangkat tikas idup peranak menua nya.

Sama datai, Pegawai Khas Palan Servis Komuniti Tellian Jay Keram enggau Tuai Raban Bansa Kuala Lama Junaidi @ Yakub Usop. -EDISI UKAS