“Nya kebuah, sida meseti diberi sukung, akses sereta fasiliti ti engkeman dikena nyaup sida bulih pengidup ti likun, lantng enggau menyana agi,” ku iya ba Pengerami Ngintu Hari Orang Nyelai Pendiau (HOKU) Bagi Menua Mukah 2025 di Palan Opis Perintah Sarawak kena Hari Enam.
Royston madah, Opis Pengintu Pengelantang Komuniti (JKM) semampai berati ke guna raban OKU nyengkaum ngemujur HOKU ninting taun.
Iya ngelalau mensia mayuh terus nyaga pengelantang OKU enggau siru ke sida.
Ku iya, komuniti ti inklusif nya komuniti ti bebasa enggau ngaul serap komuniti.
Royston mega madah, Mukah deka nyadi tuai rumah ungkup Raft Safari bulan Disember tu enggau pengawa OKU ngaul diri mega dikemerat.-EDISI UKAS
