KUCHING: Opis Menteri Pengangkut Sarawak (MOTS) ngambat penatai penerebai charter keterubah 9Air ari Haikou ngagai Kuching, ngelai siti da pemansang besai ngerembai rentayan langit entara Sarawak enggau China.
Penerebai AQ1295 datai ba Padang Bilun Antarabansa Kuching pukul 5.10 pagi kena Hari Enam enggau mai raban keterubah temuai nyengkaum temuai khas iya nya Pemantu Presiden 9Air enggau Menijar Besai Rentayan Penerebai nya, Cai Xing.
Servis Haikou–Kuching tu beoperasyen dua kali seminggu nitih taga enggau nya palan kedua 9Air di Malaysia pengudah Kuala Lumpur.
Taja tu nentuka temuai ngasai pilih pejalai ti fleksibel enggau konsisten agi.
Menteri Pengangkut Sarawak, Dato Sri Lee Kim Shin ngambat penatai Cai Xing ba padang bilun enggau ngatur randau pandak.
Ba randau nya, Dato Sri Lee mega gaga 9Air ti majak rindu terebai ke Sarawak enggau meransang serikat bilun nya berundingka pengawa ngerembai penerebai terus ari Guangzhou enggau Shenzhen ke Kuching.
“Kededua mengeri nya bisi kaul ekonomi enggau dagang temuai ti tegap enggau Sarawak lalu kaul terus deka nambah pengawa besilih dagang, pengawa meranak puku sereta kaul entara rayat,” terang iya kena Hari Enam.
Dato Sri Lee mega minta 9Air berati ke pengulih nyendia penerebai terus ke Miri ti nyadi Pintu Penama Utara Sarawak enggau menua sepiak Brunei sereta takah geografi ti semak enggau Guangzhou sereta Shenzhen enggau timpuh penerebai manggai tiga jam.
Ku iya, Miri diatu deras mansang nyengkaum perambu numbuh kampus pampang Universiti Fudan Shanghai enggau Institut Pansik, Perubat Integratif ti disadang ngeranchak aktiviti akademik, komersial enggau pejalai antarabansa.
Nambah ke nya, Dato Sri Lee madah, Sarawak disadang nerima sekeda penerebai charter ari China bulan baru ngelai trend positif minat nambah ari makit China.
“Aku ngarap pemansang tu mai mayuh agi penerebai terus entara Sarawak enggau mengeri bukai ba China,” terang iya. - EDISI UKAS
