KUCHING: Pengawa besikap Ngintu Hari Servis Perintah (HPA) Sarawak 2025 ti diatur ba Palan Konvensyen Borneo Kuching (BCCK) kena Hari Empat lanchar enggau semua pengawa diatu ba tikas penudi.

Nentuka program nya lanchar, Sekretari Perintah Sarawak, Datuk Amar Mohamad Abu Bakar Marzuki ngabas raptai penuh ti diatur Hari Tiga.

Penatai iya ukai semina matau pejalai raptai aja, tang mega meri peransang ngagai semua orang gawa perintah ti deka ngambi bagi ba hari program nyadi.

BCCK chapuh kenyau ari pagi enggau aktiviti mayuh agensi perintah ti kiruh ngatur pengawa besikap ba reruai sida empu.

Palan pemandang didedat pengereja teknikal, pegawai ngatur pemandang enggau volunteer ti nentuka pengawa nirika langkar, kereban penerang sereta demonstrasyen servis nitih langgur.

Ku Datuk Amar Mohamad Abu Bakar, HPA ukai semina program ninting taun aja, tang nalan negap integriti, inovasyen enggau penemban servis ungkup rayat Sarawak.

Program sekali tu disadang matak beribu orang gawa perintah Sarawak ari selampur nengeri ti diisi enggau aktiviti baka pemandang agensi, pemerindang khas, sesyen ngenang jasa enggau mantai agenda transformasyen servis perintah. -EDISI UKAS


Pemberita: Eisner Nala
Gambar: Muhammad Rais Sanusi