SINGAPURA: Servis penerebai bilun entara Sarawak enggau Singapura nengah AirBorneo ila deka ngerandang peluang besai ari sukut mobiliti enggau sektor dagang temuai.
Menteri Pemansang Rama enggau Ruang Bilik Singapura, Masagos Zulkifli Masagos Mohamad madah, akses penerebai bilun terus ari republik nya ngagai sekeda palan di Sarawak, tentu deka nyadi palan pematak rayat Singapura.
“Ari pemisi penerebai bilun terus ari Sarawak ngagai palan ngerindu ke ati, aku andal rayat Singapura deka nemuai kin sereta ngemata pemanah rampa menua ke bisi di Sarawak,” ku iya maya dirandau pengudah berandau enggau Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar ditu, Hari Lima.
