KUCHING: Unit Komunikasi Awam Sarawak (UKAS) nerima penemuai basa ari deligit Agensi Penerit Adat Maritim Malaysia (APMM) enggau tuju berandauka kerejasama strategik serimbai ngelaku Pengawa Ngintu Genap Ke-21 (HUT) APMM, ba siti randau diatur di Indu Opis UKAS, ditu, Hari Empat.
Penemuai nya nyadi pelasar nentuka pengawa ngintu genap Ke-21 (HUT) APMM ulih digaga ke berita ti komprehensif sereta dikena meransang kaul komuniti ti efektif ba semua pelasar media.
Deligit APMM ti betuai ke Direktor Unit Komunikasi Korporat Indu Opis APMM, Salawati Yahaya diambat Sapit Direktor UKAS, Mohamed Faizal Shah Ali.
Ba penemuai basa nya, APMM merambu kerejasama strategik begulai enggau UKAS ba pengawa ngelaku nyengkaum pejalai kimpin media sereta aktiviti bepelasarka komuniti dikena nentuka pengawa ngintu HUT Ke-21 APMM diatur berurun agi sereta mai pemaik.
Kerejasama nya bela dilanggur ngambi beambi ulih ba media menua, media rama sereta pelasar digital nyadi alai nabur penerang bekaul pengelikun maritim, lalu meri penemu semak agi ngagai rayat bekaul tanggungpengawa APMM.
Nengah kaul kerejasama strategik tu mega, ngelaku pengawa Ngintu HUT Ke-21 APMM diarap ulih digaga nengah chara ti efektif, seriris enggau pengeransing ngenegap penemu rayat bekaul tanggungpengawa APMM ba nentuka pengelikun enggau penegap tasik menua terus dijaga. -EDISI UKAS
