ADUN Pakan Ngabas Pejalai Projek RTP Rumah Gelau, Lubuk Ubi
PAKAN: Kaban Kunsil Nengeri (ADUN) Pakan Tan Sri William Mawan Ikom ngabas pejalai Program Transfomasyen Menua Pesisir (RTP) ba Rumah Gelau, Lubuk Ubi nentuka pemansang ti dipejalai meri pemaik terus ngagai peranak lokal.
Ku iya, pengawa ngabas beguna amat ngambi berati ke pejalai projek seraya mendingka isu enggau guna rayat nentuka genap agih belanja perintah ulih dikena manah.
Iya nyemetak madah, pemujur pejalai projek pemansang begunaka kerejasama rat entara agensi perintah enggau tuai komuniti nentuka perambu ti digaga seraris enggau peminta peranak lokal.
Ngenang isu bekal ai, iya madah ke pengawa ngemanah benung dipejalai chara berenggat berindik ari penanggul kapasiti ti bisi diatu enggau pekara nya terus diberi perati raban bekaul.
Pia mega, Tan Sri William minta Tuai Raban Bansa enggau Tuai Komuniti (KMKK) ngambi bejalaika inisiatif inklusif enggau berati ke penemu peranak nentuka gnap isu ulih diputar lengkas.
Ba pejalai ngabas nya, Tan Sri William mega ngemendar agih belanja penyampau RM115,000 dikena bejalaika mayuh projek rayat enggau aktiviti peranak Rumah Gelau.
