PADAWAN: Projek Nyambung Bekal Ai Beresi ke Paas, Kampung Sikog ti dipejalai nengah Program Transformasyen Menua Pesisir (RTP) Kunsil Nengeri (DUN) Mambong diatu ba renggat nyendia dokumen teknikal.

Ku Pegawai Khas Sapit Menteri Pengangkut Sarawak (Langit & Darat) ti mega ADUN Mambong, Keron Mapus madah, projek beungkus RM250,00 nya apin ulih dipejalai laban agi nyendia dokumen teknikal.

“Sarawak Water Sdn. Bhd. udah nyerah projek ngagai Opis Bekal Ai Menua Pesisir (JBALB) Kuching.

“JBALB diatu nyadi agensi pengatur lalu udah bejalaika pengawa nyukat taba dikena nyendia Bill of Quantities (BQ),”ku iya pengudah ngabas taba projek nya kena Hari Lima.

Keron madah, pengudah BQ tembu, dokumen nya deka dianjung ngagai Opis Residen ungkup pengawa chabut undi kontraktor sebedau projek belabuh dipejalai. - EDISI UKAS