SIMANGGANG: Pengawa ngabang maya pengerami Taun Baru China nyadi pelasar ke engkeman dikena ngenegapka agi penyerakup enggau pangan diri.

Kaban Parlimen Sri Aman, Dato Sri Doris Sophia Brodie madah, pengawa nya bela dikemeran di menua Sri Aman ti ngelai pemanah kaul rayat pupu bansa.

"Pengawa ngabang baka tu patut diteruska kitai ngambika kaul kitai enggau pangan diri semampai meruan manah.

"Tu bela dikena kitai ngetanka pengelebih rindu ngemeran penyerakup ke dikembuan kitai di Sarawak," ku iya.

Iya bejaku munyi nya maya ngabang Taun Baru China ngagai Tuai Raban Bansa China Sri Aman, Temenggong Kueh Aik Seng ditu, kemari.

Penatai iya maya nya disambut enggau basa sereta tanda singa.

Maya nya, iya enggau bala bukai bela dinah enggau macham bansa pemakai seraya berandau begulai enggau pangan diri. -EDISI UKAS