KUCHING: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau binii, Toh Puan Datuk Patinggi Fauziah Mohd Sanusi nerima penemuai basa raban ari Yayasan Sarawak.

Tuju penemuai basa nya dikena ngelaluka ngulu Program Buka Puasa Anak Sarawak ba Kuala Lumpur kena 28 Februari tu.

Penemuai basa nya diuluka Direktor Yayasan Sarawak, Datu Mohamad Junaidi Mohidin, Chairperson MAKSAK Sarawak, Dato Baduyah Bujang, Sapit Direktor Yayasan Sarawak (Operasyen), Mohamad Adzlie Ibrahim enggau Sapit Direktor Yayasan Sarawak (Pelajar), Watson Chunggat Leonard Doo.

Sama datai, Tuai Penolong Direktor (Bagi Administrasyen, Aset enggau Pekara Wang), Suryani Abdul Hamid, Chairman Biro Pelajar MAKSAK Indu, Datin Fauziah Mardiana Sepawi enggau Sekretari Kehormat MAKSAK Indu Sarawak, Norhayati Mornie.

Kelimpah ari nya, penemuai nya mega dikena ngelaluka Toh Puan Datuk Patinggi Fauziah ngulu Program Manduk Bubur Pedas ke diatur MAKSAK Indu Sarawak ti deka diatur ba Yayasan Sarawak, Kuala Lumpur muak pagi hari ti sama.-EDISI UKAS