KUCHING: Sapit Premier Sarawak, Datuk Amar Awang Tengah Ali Hasan sehari tu ngulu aum khas Komiti Pengatur Borneo International Halal Showcase 2026 (BIHAS) 2026 dikena nisih pemansang pemadu baru sereta tuju pejalai program nya.

Aum nya meri awak ngagai kaban komiti bejuraika perambu sereta batang program, kelimpah ngulihka penemu sereta sanding penemu iya ke nyadi chairman dikena nentuka tiap pekara ngatur dilangkar nengah chara ti komprehensif.

Sebagi ari pekara besai ti dirandau nyengkaum konsep ngatur, strategi ngelaku sereta chara ngelaku ti nemban dikena nentuka BIHAS 2026 nempa juluk ati penyereta sereta pemaik ekonomi ti ditetap.

Iya mega madahka pemesai reti pengawa nyeraris entara agensi bekaul sereta pengawa besikap logistik dikena nyamin pemujur program betikas antarabansa nya.

Ku iya, BIHAS 2026 ukai semina pelasar mandangka produk sereta servis halal, tang patut nyadi pelasar strategik matak pengawa meranak puku, ngerembai rentayan makit sereta ngenegap pengawa besemekih orang dagang menua ba renggat global.

Nengah perambu silik sereta juluk ati ti nyengala, BIHAS 2026 ulih nyadi pelasar engkeman dikena ngenegap penuduk Sarawak ba industri halal global.-EDISI UKAS