TYT Sarawak & Bini Ngulu Program Buka Puasa Ba Astana Negeri
KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi ngulu program buka puasa ba Dewan Santapan, Surau Astana Negeri Sarawak, Hari Tiga.
Sama datai, Sapit ba Opis Premier Sarawak (Integriti & Ombudsman) Datuk Dr. Juanda Jaya enggau bini Datin Shanti Achmend Ramly sereta Sapit Menteri Utiliti (Sarawak Energy Berhad enggau PETROS) Datuk Ibrahim Baki.
Program dipun enggau buka puasa lalu ditampung enggau solat Maghrib bala mayuh.
Tun Pehin Sri Dr. Wan Junaidi sereta bini enggau raban temuai makai lemai sebedau solat Isyak enggau solat sunat Tarawih.
Sama datai, Sekretari Perintah Besai Sarawak Dato Ahmad Nadzri Mohd Hassan, Direktor Opis Kampung Sarawak Datu Hamden Mohammed, Direktor Opis Pemansang Rayat (KEMAS) Sarawak Taufik Mohd Yusop, sereta Direktor Opis Ngempung enggau Ngintu Tanah Perintah Besai (FELCRA) Zulkipli Sulong. -EDISI UKAS
