MUKAH: Mensia mayuh dilalau semampai ngemerat pengelikun ba jalai alun kelebih agi maya pulai ke menua ngintu pengerami Hari Raya Aidilfitri, berindik ari penyampau entukar ba jalai alun deka nambah sepanjai musin pengerami.
Sapit Menteri Pengerai ti mega Kaban Parlimen Mukah, Dato Hanifah Hajar Taib madah, sida ti deriba meseti nentuka entukar likun dikena sebedau ngepunka pejalai kelebih agi bejalai jauh.
“Entara pekara ti meseti diberi perati nyengkaum meresa injin, tayar sereta sistem brek nentuka semua pejalai lanchar enggau likun datai ba endur dituju,” ku iya lebuh bejadi Pengelikun Jalai Alun Pelilih Mukah sereta nyadung bubur lambuk, ditu kena Hari Lima.
Bela datai, Kaban Kunsil Nengeri (ADUN) Tellian, Royston Valentine.
Dato Hanifah mega madah, pengelikun nya tanggungpengawa begulai lalu mensia mayuh dipinta semampai ngasi ke atur jalai sereta nentuka pengelikun dikemerat ba genap pejalai. - EDISI UKAS
