Pengerami ti diatur kena Hari Enam nya richah agi enggau penatai Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi.

Bela datai, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg begulai enggau anak iya, Dayang Norjihan, Sapit Menteri Besai, Datuk Amar Fadillah Yusof sereta bini, Datin Amar Ruziah Mohd Tahir.

Bala Menteri enggau Sapit Menteri Kabinet Perintah Besai enggau Sarawak, Sekretari Perintah Sarawak, Datuk Amar Mohamad Abu Bakar Marzuki begulai enggau bini, Dato Baduyah Bujang, Direktor Yayasan Sarawak, Datu Mohamad Junaidi Mohidin, tuai opis sereta temuai bukai mega bisi datai.

Pengerami nya mega bisi ngatur pengawa nyua pemeri duit raya ari Yayasan Sarawak ngagai penerima dipilih kelai sukung ngagai pengelantang nembiak sereta komuniti anak Sarawak ba mengeri besai nya.

Pengawa ngatur program nya mandangka pengeran Perintah Sarawak nengah Yayasan Sarawak mekuh kaul komuniti, nyaga pengelantang nembiak enggau narak semangat begulai diri sebilik seraya nentuka anak Sarawak majak ngasai ke semak enggau nengeri asal sida taja jauh gawa ba endur bukai. - EDISI UKAS