BALEH: Kaban Kunsil Nengeri (ADUN) Baleh, Nicholas Kudi Jantai datai ngulu Pengerami Tuai Ngundang Rayat ke Rumah Linggi Sekeroh Oyan diatur Palan Servis Komuniti N.64 Baleh.
Iya datai begulai enggau bini, raban Indu N.64 Baleh sereta raban Palan Servis Komuniti N.64 Baleh dikena bejadi program diatur ba Rumah Linggi Nanga Sekeroh Oyan Baleh kena Hari Enam.
Ba pengerami nya, Tuai Rumah Linggi mantaika sebana bekaul penanggul solar rumah panjai ti udah lama enda dikena agi lalu minta ADUN Baleh mutar penanggul nya.
Gerempung Indu nya mega nyebut penanggul nadai ai paip ti beresi lalu minta pengari rayat dia berundingka pengawa nyambung batang paip ti baru.
Lebuh bejaku, Nicholas Kudi mereti ke penanggul ditapi peranak dia lalu deka nyaup mutar isu solar enggau ai pengudah berati ke gaya rumah panjai nya diadu baru.
Pengawa nya lanchar lalu tembu enggau aktiviti rumah panjai. - EDISI UKAS
