PUTRAJAYA: Perintah Sarawak meruan ransing nyungkak tikas pengulih ngenatai servis pengelantang rama nengah kerejasama strategik enggau Perintah Besai dikena nentu bantu ungkup rayat diberi enggau lebih agi berurun sereta efektif.
Berindik ari nya, deligit Perintah Sarawak diuluka Sapit Sekretari Perintah Sarawak (Pengatur Ekonomi enggau Pemansang) Dato Sri Dr Muhammad Abdullah Zaidel udah ngatur penemuai basa ngagai Tuai Sekretari Opis Menteri Pemansang Indu, Ruang Bilik enggau Mensia Mayuh (KPWKM), Datuk Dr Maziah Che Yusoff ditu, Hari Satu.
Penemuai basa nya dikena berandauka chara ngenegapka agi sinergi Opis Pengintu Pengelantang Mensia Mayuh (JKM) Sarawak enggau KPWKM lebih agi bekaul ngenatai servis pengintu pengelantang ngagai rayat ke patut nerima bantu.
Awak nya bela dikena berandauka pekara ngatur bantu ba renggat nengeri enggau Perintah Besai dikena nentu bantu diberi enggau lebih agi komprehensif, inklusif sereta nipak guna rayat.
Bela nyempulang deligit Sarawak iya nya Direktor JKM Sarawak Semawi Mohamad enggau Tuai Bagi Pengelantang Rama Nurin Chunggat.
