Menteri Utiliti enggau Telekomunikasi Sarawak Dato Sri Julaihi Narawi madah, pemansang nya lebih agi deka digaga di menua pesisir baka di Sebuyau.
"Pengawa ngerembaika pemesai bungkur internet, bekal ai enggau karan deka dipajak ngambika nadai rayat ditinggal ngasaika pemansang tu," pia ku iya.
Iya bejaku munyi nya maya Program Ziarah Ramadan ditu, Hari Satu.
Iya ke mega Kaban Kunsil Nengeri (ADUN) Sebuyau maya nya bisi nyuaka pemeri ngagai 60 penerima ari Kampung Sampat.
Kelimpah ari nya, 30 iku nembiak mega bisi nerima pemeri Hari Raya Aidilfitri.
Program nya bela dikemujur enggau Sarawak Digital Economy Corporation (SDEC).
Sama bisi datai maya nya Residen Sitak Samarahan Mohamad Irwan Bahari Bujang, Direktor Bekal Nyadung Gas Opis Menteri Utiliti enggau Telekomunikasyen Kasvenda Kassim sereta Pegawai Pelilih Sebuyau Ayuradiman Bujang.-EDISI UKAS
