KUCHING: Tuai Penulung Direktor Pampang Khas Bukit Aman, DCP Dato’ Pahlawan Hishammudin Mohd Amin udah nemuai ngagai Indu Opis Unit Komunikasi Awam Sarawak (UKAS) ditu, Hari Dua.
Pengawa nya diatur dikena ngenegap kaul strategik antara agensi pengelikun enggau komunikasyen perintah.
Penatai sida disambut Sapit Menteri ba Opis Premier Sarawak (Pekara Korporat, Pemadah enggau UKAS) Datuk Abdullah Saidol enggau Direktor UKAS, Awang Putrayusrie Awang Redzuan.
Penemuai basa nya bela disempulang Tuai Pampang Khas Sarawak, SAC Mahbub Mustofa Norsalim, Sapit Tuai Pampang Khas 1 Sarawak, ACP Mohd Azahari Mohd Noor enggau Sapit Tuai Pampang Khas 2 Sarawak, ACP Moni Ramli.
Maya nya sida bela dibai ngabas Studio UKAS lalu meda pengawa ke digaga ba studio nya.
Kelimpah ari nya, sida mending penerang bekaul pengawa sereta inisiatif komunikasi strategik UKAS ngenataika polisi pemansang perintah ngagai rayat. -EDISI UKAS
