KUCHING: Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah datai ngulu Pengawa Buka Puasa, Solat Maghrib, Isyak enggau Tarawih begulai enggau Gerempung Pengintu Pengelantang Nembiak Patu Balu (PERYATIM) Pampang Kuching ba Kompleks Satria Pertiwi, Hari Dua.

Ngelama tu, program nya diatur ba begunan PERYATIM empu maya betuaika niang Puan Sri Datuk Amar Juma'ani Tun Tuanku Bujang ke nyadi Penyanding Penemu PERYATIM.

Diatu, anak Premier Sarawak, Dayang Norjihan dipadu nganti penuduk nya lalu nampung pengawa niang sebedau tu.

Ke sekali tu program buka puasa nya keterubah iya diatur ba Kompleks Satria Pertiwi.

Maya nya mega Premier Sarawak bisi nyua pemeri ngagai 63 iku nembiak ari PERYATIM.

Pemeri bela datai ari Dayang Norjihan ke nyadi penyanding penemu gerempung nya. -EDISI UKAS

Pemberita: Ahmad Daniel Faiz
Gambar: Ibanez Jeffery & George Embie