SARIKEI: Rayat pupu bansa di Sarawak ditangkan semampai ngemeranka penyerakup, ngembuan runding positif sereta besaup napi ubah enggau penguji ke dikena nempa pengelantang dudi hari.
Sapit Menteri Ladang enggau Komiditi Dato’ Sri Huang Tiong Sii madah, Malaysia ke diuan pupu bansa semampai bebasaka pengarap pangan diri, nyaga penyerakup enggau pengelantang ti nyadi pugu pengelantang menua tu.
"Perintah Sarawak dipegai Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg endang ransing nentuka politik semampai likun sereta pemansang ti betandu ketegal ngira pengelantang rayat pupu bansa enggau jalai pengarap," ku iya madah.
Iya ke mega Kaban Parlimen Sarikei bejaku munyi nya maya Pengerami Taun Baru China 2026 ke diatur Gerempung Agama Buddha Orthodox Sarikei ditu, empai lama tu tadi.
Iya mega madah, perintah udah numbuh macham bengkah projek pemansang nyengkaum sekula enggau institusyen jalai pengarap.
Ba pekara bukai, iya madah, langgur projek nangkir Jalai Nyelong ba mua begunan gerempung nya udah dikenatai ba Kunsil Nengeri Sarawak lalu diatu projek nya udah berengkah digaga.
Ba pengerami nya, Kaban Kunsil Nengeri (ADUN) Repok nya mega bisi nyuaka pemeri RM50,000 ngagai Gerempung Agama Buddha Orthodox Sarikei . -EDISI UKAS
