BAU: Seepenyampau 164 nembiak Sekula Primari (SK) Segong mujur dipindah Raban Penyaga Orang Periman Malaysia (APM) Pelilih Bau pengudah tepekul ketegal bah berindik ari tikas ai niki kaban ujan bangat enda ngetu di Kampung Segong Singai, ditu, Hari Dua.
Ari penyampau nya, bisi 142 nembiak primari satu nyentuk enam seraya 22 da nembiak pra sekula.
Ku APM Pelilih Bau ti mega Sekretariat Komiti Penyangga Penusah Pelilih (JPBD) Bau, raban nya udah nerima ripot urung pukul 8.25 pagi sebedau datai dia ungkup operasyen mindah dipejalai pukul 8.40 pagi.
Operasyen nya ngaul 10 staf APM enggau dibantu agensi bukai baka Polis Diraja Malaysia ari Indu Opis Polis Pelilih (IPD) Bau, dua pegawai enggau 15 staf sereta ari Balai Bomba enggau Penyah Penusah Bau, lima staf.
Semua nembiak mujur dipindah lalu diserah ngagai apai indai enggau sida sebilik sebedau dibai pulai.
Sama datai ngesah penusah, Tuai Polis Pelilih Bau, Superintendan Mohd Haide A. Rahman enggau Tuai Komuniti Kampung Segong, Amy Munga. -EDISI UKAS
