Ku iya, tuju bantu nya nentuka rayat nadai dikelaung ari meli barang diguna pemun, lalu mantu nambah pengelantang idup rayat.
Iya nyebut pekara nya ba Pengawa Ngelanchar SKAS 2026 Renggat DUN Tellian ti diatur di Medan Mall, ditu, Hari Dua.
Iya madah ke bantu SKAS enda ulih diambi mata duit sebarang raban lalu atur terit deka dipejalai ngagai sida ti ngelanggar atur ti udah ditetap.
Iya nyemetak madah, penerima mega tau dikinsil nama enti ditemu enda ngasi ke atur bantu nya.
Berebak enggau nya, Royston mega bisi nyua geran Projek Mit Pemansang Menua Pesisir (MRP) ngagai 43 penerima ba DUN Tellian enggau semua penyampau manggai RM603,000.
Iya ngarap ke geran nya ulih dikena manah ungkup ngemujurka bemacham program ti meri pemaik ngagai komuniti menua.
Sama datai, Pegawai Pelilih Mukah Peleadzman Ahip enggau Temenggung Hendi Suhai.- EDISI UKAS
