Bantu Perintah Nengeri Ngelempung Belanja Peranak DUN Pakan
PAKAN: Peranak ba sitak Kunsil Nengeri (DUN) Pakan nerima manah inisiatif nya sereta meri terima kasih ke bantu diterima, lalu nya ngayanka penyiru perintah nengeri ngintu pengelantang rayat.
Program bantu nya dipejalai nentuka raban ti begunaka bantu terus bulih saup belanja dikena bebeli ke barang diguna pemun baka meli penakai, barang dapur enggau utai diguna ba ruang bilik.
Ba indu ngintu ruang bilik, Gadong Lima, 52, bantu SKAS diterima iya mayuh mantu ba belanja sida sebilik besehari-sehari.
Ku iya, bantu nya ulih dikena meli mayuh barang dapur lalu nya ngelempungka tating belanja sida sebilik.
“Aku meri terima kasih besai ngagai Premier Sarawak ke bantu diberi lalu ngarap ke program baka tou ulih ditandu baru ila,” ku iya lebuh dirandau ditu, Hari Dua.
Seraya Salleh Janting, 37, madah ke inisiatif SKAS meri pemaik besai ngagai rayat kelebih agi raban seranta.
Ku iya, bantu nya abis nadai ulih mantu ngelempung tating belanja ditapi raban nya lebuh betapi enggau belanja iduo ti majak niki.
Lalu Tuai Rumah Regina Angoi, 38, madah kediri mega mantu peranak genturung pendiau ti begunaka bantu ngadu peminta SKAS ngena tali arus tauka teleton.
Ku iya, bantu nya beguna endar kelebih agi ngagai orang tuai ti enda nemu ngena teknologi, lalu nya nentuka sida enda tinggal ari nerima bantu ti disediaka perintah.
