MATU: Sepenyampau 5,802 peranak ba Pelilih Matu bulih pemaik ari inisiatif Perintah Sarawak iya nya Bantu Barang Diguna Pemun Sarawak (SKAS) ti udah belabuh diagih kena 10 March 2026.
Sapit Menteri ba Opis Premier Sarawak (Integriti enggau Ombudsman) ti mega Kaban Kunsil Nengeri ADUN) Jemoreng Datuk Dr. Juanda Jaya madah, ari penyampau nya, bisi 2,521 tuai bilik nerima RM950, seraya 795 orang tuai nerima RM500 sereta 2,486 orang bujang nerima RM300 ti dibayar nengah tiga renggat.
Ku iya, bantu nya diagih Perintah Sarawak kelai penyiru mantu rayat kelebih agi raban kurang penatai pemisi napi belanja idup ti niki.
“Bantu tu diagih ba baucher digital nengah aplikasyen S-Pay Global ti ulih dikena bebeli ke barang pemakai,” ku iya maya pengawa ngelanchar SKAS ungkup DUN Matu di Masjid Pelilih Matu, kena Hari Enam.
Datuk Dr. Juanda madah, perintah nengeri nengah Gabungan Parti Sarawak (GPS) mega nambahka penyampau bantu ngambi setipak enggau peminta rayat seraya nentuka pengelantang genap ruang bilik terus dijaga.
Iya mega madah ke pengawa ngelanchar SKAS 2026 Renggat Sarawak udah dipenyadi Premier Sarawak, Abang Abdul Rahman Johari Abang Openg di Bazaar Ramadan Stutong, Kuching kena 7 March tu tadi.
Bela datai iya nya Pegawai Pelilih Matu Hamidah Halpi. - EDISI UKAS
