KUCHING: Sapit Menteri Besai Datuk Patinggi Dr Ahmad Zahid Hamidi mupuk pulai ke indu mengeri ari Pengkalan Langit Soldadu Langit Diraja Malaysia (TUDM) Kuching lemai Hari Minggu pengudah tembu ngatur penemuai gawa sehari ditu.
Bela nyempulang iya nya Sapit Menteri Pemansang Genturung Pendiau enggau Kandang Menua, Datuk Rubiah Wang.
Bela datai, Sapit Menteri Dagang Temuai, Industri Kreatif enggau Seni Pemerindang Sarawak, Datuk Snowdan Lawan enggau Sapit Menteri Kuasa enggau Rampa Menua, Datuk Dr Hazland Abang Hipni.
Datuk Patinggi Dr Ahmad Zahid mupuk pulai pukul 2 lemai ngena bilun khas TUDM kelai program rasmi serimbai penemuai gawa iya ke Sarawak ti belabuh kena 14 March tembu.
Sebedau mupuk pulai, iya begulai enggau temuai dipebasa mega bisi limpang ngabas pemandang‘Mobile Prop Safe 360’ ari TUDM.
Serimbai penemuai sekali tu, Menteri Pemansang Genturung Pendiau enggau Kandang Menua nya bisi datai ngagai Program Santunan Kasih Ramadan enggau Program Pengelantang Pekebun Mit di Kampung Niup, Kota Samarahan, kena Hari Enam.
Penemuai gawa sekali tu mandangka pengeran Perintah Besai ngundang rayat sereta matau pejalai projek pemansang ba Sarawak kelebih agi ngaul komuniti menua pesisir enggau pekebun mit. - EDISI UKAS
