MIRI: Sekretari Perintah Sarawak, Datuk Amar Mohammad Abu Bakar Marzuki ngatur pejalai ngabas taba perambu pengentap pendiau baru ungkup raban tasah tanah tusur di Tudan Renggat 5 nentuka pekara pengelikun enggau endur nya engkeman.

Pejalai nya mandangka perintah nengeri keran nyeraris projek berumah baru ngaul 15 Tuai Bilik (KIR) ti tasah ketegal penusah di Kampung Lereng Bukit taun nyin tadi.

Ku iya, perintah nengeri deka nisih silik pekara teknikal nyengkaum perambu ngaga sapat dikena nyamin pengelikun endur nya sebedau projek berengkah dipejalai.

“Aku dipadah raban Residen Miri ke alai sida setuju dipindah enggau sekeda utai ba taba nya dikemana.

“Ari komsep, kitai deka berandau ila. Sehari tu, aku ngabas taba aja alabn bisi peminta ngaga sapat dia ngambi rumah ulih digaga likun enggau menyana agi,” ku iya lebuh dirandau pemberita.

Iya nyemetak madah, chara inklusif ngaul semua agensi teknikal deka terus ditegap nentuka pengentap baru pendiau tu ulih digaga sistematik enggau teguh.

Sama datai, Residen Bagi Menua Miri Galong Luang, Pegawai Pelilih Miri Siti Rohanie Yusof sereta pengari agensi bekaul nyengkaum Opis Tanah enggau Survei, Opis Kereja Raya, Kaunsil Mengeri Miri, Unit Pengelikun enggau Penerit Adat Sarawak, Raban Nyaga Orang Periman Malaysia Miri enggau Unit Komunikasi Awam Sarawak (UKAS). -EDISI UKAS