Menteri Dagang Temuai, Industri Kreatif enggau Seni Pemerindang Sarawak Dato Sri Abdul Karim Rahman Hamzah madah, pemansang estetika mengeri nyengkaum masang lampu neon enggau mural nya inisiatif strategik nambah pemanah sereta pematak Kuching.
Ku iya, tetiap projek ti dipejalai raban bekuasa lokal nyengkaum Dewan Bandaraya Kuching Utara (DBKU) ngaul perambu silik enggau besai belanja ke pengelantang peranak sereta temuai.
“Lebuh mengeri tu majak mansang enggau bemacham elemen, kitai ngarap peranak ulih begulai nyaga fasiliti tu ari sebarang pengawa ti enda menuku.
“Vandalisme tauka ngenyai reta tengkira ukai semina ngeruga rampa menua tang pengawa nyeruri begunaka besai belanja sereta timpuh ti lama nembu ke pengawa nya,” ku iya lebuh dirandau pemberita, kena Hari Minggu.
Iya mega madah, pengeleda sivik beguna amat nentuka pemeruan pemansang mengeri ulih diasai ke ba timpuh panjai.
