LIMBANG: Hari besai ti dirami majak nyadi pelasar beguna dikena negap penyerakup enggau pengelantang rayat pupu bansa di nengeri tu, kelebih agi di Limbang.

Sapit Menteri Pengangkut Malaysia ti mega Kaban Parlimen Limbang, Datuk Hasbi Habibollah madah, pengerami nerima pengabang ti diatur ukai semina ngerami hari besai aja, tang nyadi palan ti engkeman ngerapit kaul enggau narak ulah bebasa sereta bebatak asur.

“Penyerakup tu patut terus ditan nengah kerejasama, bebasa enggau bebatak asur,” ku iya lebuh dirandau ba Pengerami Nerima Pengabang Kaban Ahli Parlimen Limbang di Dewan Bunga Raya, kena Hari Enam.

Seraya Sapit Menteri Industri Pemakai, Komoditi enggau Pemansang Kandang Menua Sarawak ti mega ADUN Bukit Kota, Datuk Abdul Rahman Ismail minta hari besai ti dirami enggau jelan pengerami berindik ari ekonomi global ti enda tegap.

Taja pia ku iya, hari besai tetap beguna dikena negap kerejasama enggau gempung komuniti.

Pengerami nerima pengabang nya diatur richah enggau penatai rayat pupu bansa, lalu ngayanka semangat penyerakup ti tegap sereta pengerami nya engkeman nyadi pelasar penyerakup rayat.

Sama datai, ADUN Batu Danau, Dato Paulus Palu Gumbang enggau bini, Datin Mary Sindang sereta Sapit Residen Bagi Menua Limbang, Marie Cotilla Louise. –EDISI UKAS