BELAGA: Pengerami Hari Raya Aidilfitri dikena manah nyadi pelasar negap penyerakup lebuh bala tuai sama ngundang komuniti pupu bansa enggau pengarap di pelilih nya.

Sapit Menteri Utiliti enggau Telekomunikasyen Sarawak ti mega ADUN Belaga, Datuk Liwan Lagang enggau bini, Datin Rosnie Bilang nurun ngabang ngagai komuniti Muslim di Kampung Melayu enggau Kampung Hijrah Jaya, kena Hari Enam.

Sama ngabang, Senator Michael Mujah Lihan enggau bini, Annie Igang, pengari Opis Pelilih Belaga, Zain Rocky sereta bala tuai komuniti bukai.

Pejalai ngabang nya ngelawa sekeda rumah bala tuai komuniti nyengkaum Temenggong Ajang Sirek, Penghulu Abu Talip Mokhtar, Datuk Awang Bujang Awang Antek sereta tuai raban bansa bukai.

Ku iya, ngabang Aidilfitri ukai semina tradisyen aja, tang nyadi pelasar beguna ngerapit kaul, bebasa enggau negap penyerakup rayat.

Ngabang mega meri peluang bala tuai enggau rayat mereti ke sada peminta enggau juluk komuniti.-EDISI UKAS