Kuching Car Free Morning Ngerichah Baru Ujung Minggu Peranak Ba Mengeri
KUCHING: Program Kuching Car Free Morning diatur baru dikena ngerichah ujung minggu peranak ba mengeri pengudah belelak sepanjai bulan Ramadan.
Inisiatif ti diatur kena Hari Minggu ari pukul 6 nyentuk 10 pagi nya dipejalai ba sekeda endur nyengkaum Padang Merdeka, Kuching Waterfront, Pengkalan Sapi sereta endur besemak Jematan Darul Hana.
Program nya ti dianti mensia mayuh ngambi meri peluang bejalai ba pasar enda ibuh ngena entukar seraya meransang gaya idup bepengerai nengah aktiviti baka bedarat, sesais enggau ensikal begulai enggau diri sebilik.
Program tu mega nyukung agenda pemeruan rampa menua nengah pengawa nyaup ngurangka bekau karbon sereta pengamah angin ba mengeri.
Berebak enggau nya, Kuching Car Free Morning mega nyadi pelasar negap interaksyen rama sereta narak semangat begulai entara pupu bansa di mengeri tu. - EDISI UKAS
