TYT Sarawak & Bini Berami Enggau Lebih 10,000 Rayat Ba Pengerami Ramah Mesra Rayat
KUCHING: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi, berami enggau lebih 10,000 rayat ba Pengerami Ramah Mesra Rayat diatur Gabungan Penghulu & Tuai Komuniti Parlimen Petra Jaya di CIDB Convention Centre Sarawak ditu, Hari Minggu.
Penatai seduai urung pukul 2.20 ngalihari disambut Sapit Menteri Besai, Datuk Amar Fadillah Yusof.
Pengerami diatur pukul 10 pagi nya majak ditapat bala pengabang ari serap umur, ti ngayanka semangat segulai sejalai enggau pengerichah ngintu Aidilfitri di nengeri tu.
Kelimpah nyepi penyamai pemakai ti dinah, Tun Pehin Sri Wan Junaidi enggau bini mega limpang meda album khas ti mantaika pejalai servis Datuk Amar Fadillah ba renggat Perintah Besai, nengeri enggau Parlimen.
