SIMANGGANG: Sapit Menteri Pelajar, Inovasyen enggau Pemansang Penau Sarawak, Datuk Francis Harden Hollis enda tinggal ngerichah hari kedua pengerami Hari Raya Aidilfitri lebuh nurun ngabang ngagai rumah bala tuai renggat baruh di Pasar Simanggang.

Tiga rumah Tuai Genturung Pendiau ba Kampung Muhibbah iya nya Shaibi Bakir, Sharkawi Morshidi enggau Suhaimi Johan udah endur iya ngabang.

Pejalai ngabang berengkah pukul 10.24 pagi ba rumah Shaibi Bakir sebedau ngelawa rumah KK Sharkawi Morshidi pukul 11.15 pagi.

Datuk Francis Harden ti mega Kaban Kunsil Nengeri (ADUN) Simanggang udah nya nampung pejalai ngabang Hari Raya Aidilfitrinya ngagai rumah Suhaimi Johan sebedau nembuka pejalai pukul 12.20 tengahari.

“Aku deka madah, pejalai ngabang baka tu ukai semina diatur maya hari besai aja tang nyadi pelasar ngerapit kaul penyerakup ba rayat pupu bansa enggau pengarap di Sri Aman.

“Aku pechaya, semangat tu deka terus nyadi pun pengering komuniti Simanggang enggau bala tuai patut seruran ngundang peranak belama lalu ukai semina maya musin pengerami aja,” ku iya.

Iya mega madah, aktiviti ngabang Hari Raya Aidilfitri iya enggau sida sebilik sehari nya mega ngayanka pengeran ngundang rayat ba semua pengawa.

Sama ngabang, Temenggong Leonard Libau Anol, Pemancha Denneil Saweng, Pemancha Lee Siang Hua, Penghulu Kang Tai Kong, Kaunselor Balean Suji Inggol, Kaunselor Wong Yii Hong, Kaunselor Michael Pillow Lachen, Kaunselor Dilang Jungai, Kaunselor Tay Buan Wie, Kapitan Ling Siew Hung, Kapitan Tay Yaw Ming enggau Georgina Doa. -EDISI UKAS