“Rebak biak patut bejimat ngena media ramal alu anang alah ajum isu-isu sensitif ti tau ngeruga penyerakup rayat.
“Kitai deka nentuka pengelantang ti diasai diatu terus bisi, lalu tu begunaka kerejasama semua raban nyengkaum rebak biak ngambi bisi tanggungpengawa ba tetiap pengawa dikereja,” ku iya.
Iya nibar ke jaku lalau nya ba mua mayuh rambau Aum Besai Tiga Taun Sekali Parti Demokratik Progresif (PDP) Pampang N39 Krian ti diatur di Dewan Sri Krian, Saratok kena Hari Minggu.
Berebak enggau nya, iya mega meransang bala kaban parti terus negap penyerakup sereta ngetan sukung ngagai bala tuai parti enggau perintah nengeri nentuka agenda pemansang ulih dipejalai manah.
Aum nya mega meda Friday ngetan penuduk nyadi Presiden PDP Pampang Krian, seraya Senator Pele Peter Tinggom dipadu nyadi Mandal Presiden 2 (Dichiri).
Kelimpah ari nya, raban Nembiak enggau Indu PDP mega direrak dikena meri peluang ngagai bala tuai baru, enggau Riza Nalang dipadu nyadi Tuai Nembiak seraya Anie Isek nyadi Tuai Indu.
Ngenang pekara sama, iya merambu ngaga jematang lambung ba simpang Saratok sereta nyeruri jalai ari simpang Saratok ke pasar ngagai empat arung dikena nambah pengelikun enggau pengelantang penguna jalai alun
Perambu nya diperati nyadi pengawa proaktif dikena mutar penanggul jalai sekut enggau ngurang penusah bebadi ti suah nyadi dia.-EDISI UKAS
