SEBUYAU: Menteri Utiliti enggau Telekomunikasyen Sarawak, Dato Sri Julaihi Narawi limpang ngintu Hari Raya Aidilfitri enggau komuniti ba menua iya di Kampung Sebangan.
Iya ngepunka hari besai nya enggau sembiang sunat Aidilfitri di Masjid Darul Aman Sebangan begulai enggau peranak menua.
Pagi Syawal nya richah enggau mai reti chukup besai lebuh iya bisi peluang berandau enggau sida semenua.
Tembu sembiang, iya mega enggau makai pagi Aidilfitri begulai enggau pegawai pelilih, kaban komiti masejit sereta peranak bukai ba pelaman besai masejit, enggau ati lantang sereta semangat segulai sejalai.
Entara bala ti datai Pegawai Pelilih Sebuyau, Ayuradiman Bujang, Chairman Masjid Darul Aman, Yaman Median sereta Penghulu Kawasan Sebangan, Abdul Hamid Zaini.
Nampung pengerami, Kaban Kunsil Nengeri (ADUN) Sebuyau nya udah nya ngabang ngagai kaban belayan di Kampung Sampat Sebangan, lalu nya ngidupka pengawa ngusung pangan diri ninting Aidilfitri.
Iya mega ngena peluang nya meri Salam Aidilfitri sereta salam maju jaya semua rayat, seraya ngarap ke semangat penyerakup enggau pengelantang terus ditegap ba rayat Sarawak.-EDISI UKAS
